Plantun de Prouvènço

Pèr coumpara dos planto d'encò nostre

Roemeria hybrida & Myosotis arvensis

Roemeria hybrida

Papaveraceae

Nom en français : Roemérie hybride.

Descripcioun :
Aquesto rousello-vióuleto es uno planto raro que trachis dins li meissoun mena en agriculturo traditiounalo o "bioulougico" (aquéu vèn d'un champ de caulet-rabo). Èi bèn poulideto e i'a pas pèr s'engana.

Usanço :
Li fueio soun manjadisso (Anatolìo, Grèço).

Port : Erbo
Taio : 15 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Roemeria
Famiho : Papaveraceae

Ordre : Ranunculales

Coulour de la flour : Vióuleto
Petalo : 4
Ø (o loungour) flour : 3 à 3,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Meissoun - Vignarés
Estànci : Termoumediterran à Subremediterran
Couroulougi : Arqueoufito
Ref. sc. : Roemeria hybrida (L.) DC., 1821

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").